Italııada Pompeı qalasy mańynan ejelgi zamanǵy kúıme tabyldy
NUR-SULTAN. QazAqparat – Italııadaǵy ejelgi Pompeı mańynda júrgizilgen arheologııalyq qazba jumystary kezinde saltanatty rásimderge arnalǵan úlken kúıme tabyldy, dep habarlaıdy QazAqparat VVS-ge silteme jasap.
Ony buǵan deıin úsh jylqynyń qańqasy shyqqan atqoranyń ornynan tapqan.
Tórt dóńgelegi bar temir jáne qola áshekeılermen bezendirilgen bul kúıme tek merekeler men sherýlerde paıdalanylǵan dep esepteıdi ǵalymdar. Olardyń resmı habarlamasynda qundy oljanyń sol qalpynda saqtalǵandyǵy aıtylǵan.
Pompeı tarıhı saıabaǵynyń dırektory Massımo Osannanyń sózine qaraǵanda, Italııa aýmaǵynda mundaı kúıme buryn-sońdy bolmaǵan. «Ony 15 jyl buryn Grekııa soltústigindegi Frakııa aýmaǵynda tabylǵan qundy jádigerlermen ǵana salysytýǵa bolady», - deıdi Osanna.
