Italııada Pıkasso qoltańbasyn qaldyrǵan gıtara tabyldy

dep habarlaıdy QazAqparat Agence France-Presse saıtyna silteme jasap.

Gıtara Rımniń mańynda turatyn bir bıznesmenniń úıinde, aıaq-kıim salynǵan qoraptan tabylǵan.

Gıtarany izdeý ótken jyly qaıtys bolǵan, Pıkassonyń dostarynyń biriniń áıeli Djýzeppe Vıttorıo Parızıdiń talaby boıynsha bastalǵan bolatyn. Onyń aıtýynsha, Pablo Pıkasso bir kezderi óziniń qyzy Paloma úshin gıtaranyń betine sýret salyp, keıinnen ony Parızıge bergen. Pıkassonyń tiri kezinde Parızıge ıtalıandyq bir bıznesmen Pıkassonyń bul jumysyn onyń saqtaýyna berý týraly ótinish bildirgen jáne ony shyny jáshikke ornalastyrýǵa - jurtshylyqtyń nazaryna usynýǵa ýáde etken.

Sóıtip, gıtaranyń ıesi ony bıznesmenge beredi, alaıda munan keıin Pıkassonyń jumysy izim-qaıym joǵalady. Parızı qaıtys bolǵannan keıin onyń jubaıy Vanda joǵalǵan ǵajaıyp týyndyny izdeý jóninde polıtsııaǵa ótinish bildiredi. Gıtarany Parızı saqtaýǵa bergen sol bıznesmenniń úıinen tabýdyń sáti tústi.

Tabylǵan sarǵysh, sur jáne qara tústermen boıalǵan gıtara ıtalıandyq Makkano qalasyndaǵy qazirgi zaman óneriniń murajaıyna ornalastyrylmaqshy.