Italııada ótetin Olımpıadaǵa ketken shyǵyn 5 mıllıard dollardan asty

ASTANA. KAZINFORM — Erteń Mılan men Kortınada ótetin qysqy Olımpıada oıyndaryna daıyndyq josparlanbaǵan shyǵynǵa ushyratyp, kútpegen qıyndyqtar týǵyzdy, dep habarlaıdy Reuters.

Bul týraly oıyndardyń bas dırektory Andrea Varner málimdedi. Uıymdastyrýshylar óte az ýaqytta kóp shyǵynǵa tap boldy, biraq jobalardyń kópshiligin júzege asyra aldy. Keıbir qurylymdar juma kúnge josparlanǵan ashylý saltanatyna deıin aıaqtaldy.

Bastapqyda oıyndardy ótkizýge shamamen 1,3 mıllıard dollar jumsaý josparlanǵan, alaıda daıyndyq kezinde bul soma 1,7 mıllıard dollarǵa deıin ósti. Infraqurylymdyq shyǵyndar memlekettik qarjylandyrýmen taǵy 3,5 mıllıard dollar boldy.

— Bul sapar biz kútkennen de kúrdelirek boldy, boljanǵan qıyndyqtarmen qatar biz kútpegen jaǵdaılar oryn aldy, — dedi Varner Halyqaralyq Olımpıada komıtetiniń otyrysynda. 

HOK kórshi elderdegi bar nysandardy paıdalaný týraly usynystaryna qaramastan, Kortınada birneshe mıllıon dollarlyq jańa syrǵanaý ortalyǵynyń qurylysyn bastady. Sondaı-aq, Santadjýlıadaǵy hokkeı stadıony da asyǵys salynyp jatyr. 

— Shana sporty ortalyǵy men hokkeı arenasynyń qurylysy sońǵy merzimde aıaqtaldy, — dep atap ótti Varner.

Aıta keteıik, elimizde qysqy Olımpıada oıyndaryna sapaly daıyndyq úshin 13,3 mlrd teńge bólindi.

Bul Olımpıadaǵa Qazaqstannan baratyn sportshylardyń esimi belgili boldy.