Italııada ótetin qysqy Olımpııa oıyndarynyń bastalýyna 70 kún qaldy

ASTANA. KAZINFORM – 2026 jyldyń 6-22 aqpan kúnderi Italııanyń Mılan jáne Kortına-d’Ampetstso qalalarynda tórt jyldyqtyń basty dodasy – XXV qysqy Olımpııa oıyndary ótedi. Baıraqty básekege álemniń 93 elinen 3 500-den astam sportshy qatysady.

Olardyń qatarynda otandyq sportshylar da bar. Olımpıadada 16 sport túri boıynsha 195 medal jıyntyǵy sarapqa salynady. Oıyndar Mılan men Kortına-d’Ampetstsodanbólek, Valtellına jáne Val-dı-Femme klasterlerinde de ótedi. Qysqy Olımpıada baǵdarlamasyna bıatlon, konkı jáne shańǵy sporttary, shaıbaly hokkeı, frıstaıl, snoýbord, shana sporty, bobsleı jáne skı-alpınızm sııaqty negizgi qysqysport túrleri engen.

Qazaqstan sportshylaryn 2026 jylǵy eńiri sporttyq is-sharaǵa sapaly daıyndaý maqsatynda Týrızm jáne sport mınıstrligisport federatsııalarymen birlesip, ulttyq quramalardy daıarlaýdyń keshendi josparynázirledi.

Jospar aıasynda oqý-jattyǵýjıyndaryn uıymdastyrý, medıtsınalyqjáne psıhologııalyq qoldaý kórsetý, qarjylandyrý, qajetti sport qural-jabdyqtarymen qamtamasyz etý, tamaqtaný, sondaı-aq bilikti jattyqtyrýshylardy tartýqarastyrylǵan.

Ulttyq quramany jasaqtaý Álem kýbogi kezeńderindegi kórsetkishter men sol jarystarda jeńip alǵan lıtsenzııalarnegizinde júrgiziledi. Qazirgi ýaqytta Qazaqstan qorjynynda eki lıtsenzııa bar. Olar mánerlep syrǵanaýshylar Mıhaıl Shaıdorov pen Sofıa Samodelkınaǵa tıesili.

Qysqy Olımpıadaǵa qatysatyn ulttyqqurama tizimi men lıtsenzııa sany qańtaraıynyń sońynda ótetin Álem kýbogikezeńderi aıaqtalǵannan keıin anyqtalady.

Búginde Qazaqstanda qysqy olımpıadalyq sporttyń 13 túri damypkeledi. Elde qysqy sportpen 139 myńǵajýyq adam shuǵyldanady. 1 838 jattyqtyrýshy jumys isteıdi. Qysqy sport ınfraqurylymyn damytý jáne kadr daıarlaý jumystary Jambyl oblysynan basqabarlyq óńirde júrgizilýde.

Bıyl otandyq sportshylar birneshe halyqaralyq jarysta qatysyp, tarıhı nátıjelerge qol jetkizdi. Atap aıtqanda, Anastasııa Gorodko mogýldan jasóspirimder arasynda álem chempıony atanyp, eresekter arasyndaǵy álem chempıonatynda qola júlde ıelendi. Mıhaıl Shaıdorov mánerlep syrǵanaýdan álem birinshiliginde kúmis medal jeńip aldy, al Sofıa Samodelkına Qazaqstan tarıhynda alǵash ret áıelder arasynda Gran-prı kezeńinde júldeger atandy. Denıs Nıkısha 2024 jáne 2025 jyldary qatarynan eki márte short-trekten álem chempıonatynyń kúmis júldesine ıe boldy. Sondaı-aq Evgenıı Koshkın konkımen júgirýden Álem kýbogi kezeńderinde eki altyn medal jeńip aldy. 2025 jylǵy qysqy Azııa oıyndarynda Sherzod Hashırbaev pen Roman Ivanov frıstaıl-akrobatıkadan chempıon atandy.

Aıta keteıik, short-trekten álemdik týrdyń irikteý kezeńine qatysatyn Qazaqstan sportshylary anyqtaldy.