Italııada oryn alǵan jer silkinisi men lańkestik áreketten Qazaqstan azamattary zardap shekken joq
ASTANA. 21 mamyr. QazAqparat - Italııada oryn alǵan jer silkinisi men lańkestik áreketten Qazaqstan azamattary zardap shekken joq. Bul týraly búgin QR Syrtqy ister mınıstrliginiń resmı ókili Altaı Ábıbýllaev málimdedi.
«Bizdiń aqparatqa sáıkes lańkestik áreketten de, Italııanyń soltúsitiginde oryn alǵan jer silkinisinen de qaza tapqandardyń arasynda Qazaqstan azamattary joq», dedi ol.
Esterińizge sala keteıik, 19 mamyr kúni Italııanyń ońtústiginde ornalasqan Brındızı qalasynda mektep ǵımaratynda jarylys boldy, birneshe adam jaraqat aldy. Italıandyq baspasóz 6 adamnyń jaraqat alǵandyǵyn, olardyń ekeýi asa aýyr jaǵdaıda ekendigin habarlady. Aldyn ala jasalǵan boljam boıynsha, jarylǵysh zat mektep ǵımaratynyń mańynda ornalasqan qoqys tastaıtyn konveıerdiń ishinde bolǵan, ol jergilikti ýaqyt boıynsha shamamen saǵat 08:00-de iske qosylǵan.
Al kelesi, ıaǵnı 20 mamyr kúni Italııanyń soltústiginde qýaty 5,9 ball bolatyn jer dúmpýi tirkeldi. Jer silkinisiniń oshaǵy Bolonıa qalasynyń soltústik-batysynan 36 shaqyrym jerde tirkeldi. Qaza tapqandar men qırandylar týraly aqparat joq.
