Italııada oqyp júrgen qazaqstandyq stýdent kóz jumdy
ALMATY. KAZINFORM — Italııada qazaqstandyq stýdent qaza tapty. Bul aqparatty Qazaqstan Respýblıkasynyń Syrtqy ister mınıstrligi rastady.
Marqum týraly aqparat aldymen áleýmettik jelilerde tarady. Ol Oraldaǵy Nazarbaev túlegi bolǵan jáne Kassıno qalasyndaǵy University of Cassino and Southern Lazio ýnıversıtetiniń úshinshi kýrsynda oqyǵan. Aldyn ala málimet boıynsha, jas jigit sýǵa ketip, kóz jumǵan.
— Qazaqstan Respýblıkasy Syrtqy ister mınıstrligi marqumnyń týǵan-týystary men jaqyndaryna qaıǵyra kóńil aıtady. Elimizdiń Italııadaǵy elshiligi men Italııanyń quzyrly organdary oqıǵanyń mán-jaıyn anyqtap jatyr, — dep habarlady QR SІM.
Vedomstvonyń málimetinshe, qazaqstandyq dıplomattar marqumnyń týystarymen turaqty baılanysta bolyp, olarǵa qajetti konsýldyq-quqyqtyq kómek kórsetedi.
Eske salaıyq, buǵan deıin SІM Túrkııada jol apatynan qaza tapqan azamatqa qatysty aqparatqa túsinik bergen edi.
