Italııada nóser jaýyn kem degende úsh adamnyń ómirin qıdy
ASTANA. 26 qazan. QazAqparat - Italııanyń soltústigindegi Lıgýrııa aımaǵynda shelektep quıǵan jaýyn kem degende úsh adamnyń ómirin qıdy, taǵy bes adam iz-tússiz joǵalǵandar qatarynda,
dep habarlaıdy jergilikti BAQ aqparattaryna silteme jasaı otyryp «France 24 agenttigi».
RBK agenttigi habarlaǵandaı, qaza tapqan úsh adam da shaǵyn Borgetto Varo qalasynda ómir súrgen, al joǵalyp ketken bes adamnyń Vernatstsa qalasynda jáne Pınone qalasynda turatyndyqtary anyqtaldy. Áli basylmaǵan jaýyn-shashyn barlyq óńir boıynsha izdeý-qutqarý jumystaryna kedergi keltirip otyr.
Sınoptıkterdiń boljaýyna qaraǵanda, aldaǵy táýlikterdeApennın jarty aralyn túgeldeı qolaısyz aýa-raıy basady. Rımde eskertý jarııalanyp, órt sóndirýshiler men qutqarýshylar daıyndalǵan. Tabıǵat apaty tóngen aımaqtardyń turǵyndaryna úıden shyqpaý týraly eskertildi.
