Italııada «mystan qyzdyń» molasy tabyldy
ASTANA. QazAqparat - Arheologtar Italııanyń ońtústigindegi San-Kalodjero kommýnasynda orta ǵasyrlarda órtenip, jerlengen 15-17 jasar boıjetkenniń súıekterin tapty, dep habarlaıdy Vestı.rý.
LiveScience-tiń aqparatynsha, ǵalymdar marqumdy mystan dep dep sanaǵan soń, ony aldyn ala bólshektep, betin jerge qaratyp jerlegenine senimdi bolyp otyr. Zertteýshilerdiń pikirinshe, oǵan ıtalıandyq boıjetkenniń aýrýshań túri sebep bolǵan.
«Shamalanyp otyrǵandı, marqum qyz qyrqulaq (tsınga) dertine shaldyqqan. S dárýmeniniń jetispeýshiligi saldarynan onyń túri solǵyn ári aýrýshań bolǵan. Boıjetkendi mystan dep sanaýy sondyqtan bolar», - dep málimdedi ǵalymdar tobynyń basshysy, Papalyq Rımdik arheologııalyq akademııasynyń topografııa professory Fılıpp Pergola (Philippe Pergola).
Ǵalymdardyń málimetterinshe, boıjetken IX-XV ǵasyrlarda jerlengen. «Mystannyń» óltirilýiniń budan da naqty datasyn radıokómirtekti taldaý jasalǵan soń ataýǵa bolady.
«Kent turǵyndary boıjetkendi dýagerlikpen aınalysady dep sanaǵan bolar, sondyqtan marqumnyń tirilmeýi úshin qoldan baryn jasaǵany shamalanyp otyr», - dep baıandady Pergola.
Mola V-VI ǵasyrlarda salynǵan kostelda tabylǵan. Aldyn ala boljamdar boıynsha, ol 1593 jyldan beri qaraýsyz tur. «Mystannyń» molasy erte ortaǵasyrlyqqa jatqyzylady.
