Italııada myńdaǵan adam keme apatynan qaıtys bolǵan mıgranttardy eske aldy
KÝTRO. QazAqparat – Italııanyń Kýtro qalasynda myńdaǵan adam sherýge shyǵyp, keme apatynan qaıtys bolǵan 75 mıgrantty eske aldy, dep habarlaıdy QazAqparat Euronews-ke silteme jasap.
Italııanyń ońtústigindegi Krotone aýdanynda 26 aqpan kúni keme apatqa ushyrap, zańsyz mıgranttar qaza tapqan bolatyn. Keıin qaza tapqandar sany 100-den asýy múmkin ekendigi habarlandy.
Mıgratsııa jónindegi halyqaralyq agenttiktiń esepteýinshe, Eýropaǵa aparatyn bul baǵytta jyl basynan beri 300-deı adam sýǵa batty nemese habar-osharsyz ketken.
Eýropalyq Odaqtyń syrtqy shekaralar qaýipsizdigi boıynsha Frontex agenttiginiń málimetterine súıensek, árbir bes zańsyz marshrýttyń ekeýi osy Ortalyq-Jerortateńizi baǵytynda ótedi. Bıylǵy qańtar men aqpanda atalǵan baǵytta shekarany zańsyz kesip ótýdiń 12 myń deregi tirkelgen, bul – ótken jylmen salystyrǵanda eki ese kóp.
Keıingi kúnderdiń ózinde ǵana Italııadaǵy Lampedýza aralyna 3 myńnan astam mıgrant ótken.
