Italııada murajaıǵa kelgen áıel súrinip ketip, qundy kartınany búldirdi

ASTANA. KAZINFORM – Italııanyń Breshıa qalasyndaǵy murajaıǵa kelgen áıel súrinip, qundy óner týyndysynyń ústine qulady. Ol jańarý dáýiriniń sýretshisi Morettonyń XVI ǵasyrdaǵy kartınasyn búldirdi, dep habarlaıdy Wanted in Rome.

Oqıǵa ıÝNESKO-nyń Búkilálemdik mura tizimine engizilgen Santa-Djýlııa murajaıynda renessans týyndylarynyń kórmesi kezinde boldy, dep habarlaıdy jergilikti Bresciaoggi gazeti. 

1522–1524 jyldardaǵy búlingen týyndy eki jaqty. Kartına qabyrǵaǵa ilinbegen, kelýshiler jumystyń eki jaǵyn da kóre alýy úshin qorǵanysh áıneginsiz kórme baǵdary boıynsha qoıylǵan.

Onyń bir jaǵynda belgisiz eki áýlıe, ekinshi jaǵynda eki shákirti bar Deva Marııa beınelengen.

Keltirilgen shyǵyn myńdaǵan eýroǵa baǵalanyp otyr jáne ol saqtandyrý arqyly óteledi.

Murajaı basshylyǵy oqıǵanyń mán-jaıyn anyqtap jatyr, biraq qolda bar málimetke qaraǵanda, ol shyǵyn keltirgen áıelge qatysty zańdy shara qoldanýdy josparlap otyrǵan joq.

Italııa Iran elshisin SІM-ne shaqyryp, ustalǵan jýrnalıstiń bosatylýyn talap etkeni týraly jazǵan edik.