Italııada morokkolyq azamat kólikpen bir top adamdy soqty: zardap shekkender bar
ASTANA. KAZINFORM – Italııanyń Modena qalasynda er adam kólikpen toptasyp turǵan adamdarǵa soǵylyp, saldarynan jeti adam zardap shekti. Bul týraly ll Giornale gazeti jazdy.
– Er adam qala ortalyǵynda kóligimen jaıaý júrginshilerdi qaǵyp ketti: jeti adam jaraqat aldy, olardyń ekeýiniń jaǵdaıy aýyr, – delingen aqparatta.
Tártip buzýshynyń marokkolyq 31 jastaǵy er adam ekeni habarlandy.
Basylym málimetinshe, er adam oqıǵa ornynan jaıaý qashyp ketpek bolǵan. Ony bir er adam ustaýǵa tyrysqan kezde, kúdikti ony pyshaqpen jaraqattaǵan. Keıin kóp uzamaı polıtsııa kúdiktini qolǵa túsirdi.
Zardap shekkenderdiń naqty sany anyqtalyp jatyr. ll Giornale basylymynyń habarlaýynsha, soqqynyń qatty bolǵany sonsha, zardap shekkenderdiń biri eki aıaǵynan aıyrylǵan.
Eske sala ketsek, naýryz aıynda Ystyqkólde jantúrshigerlik jol apaty bolyp, saldarynan 6 adam qaza taýyp, 3 adam aýrýhanaǵa tústi.
