Italııada mıgranttardyń úlken leginen tótenshe jaǵdaı rejımi jarııalandy

RIM. ANSA – QazAqparat – Italııa úkimeti mıgranttardyń úlken legine jáne ońtústik óńirler olardy qabyldaý boıynsha úlken qıyndyqqa tap bolyp jatqanyna baılanysty tótenshe jaǵdaı rejımin jarııalady. QazAqparat bul týraly ANSA-ǵa silteme jasap habarlaıdy.

Azamattyq qorǵanys jáne teńiz saıasaty jónindegi mınıstr Nello Mýzýmechıdiń usynysy boıynsha qabyldanǵan sheshim Mınıstrler keńesinde maquldanǵan jáne oǵan alty aıǵa 5 mln eýro bólý qarastyrylǵan.

Bul Jerorta teńizi baǵytymen mıgratsııanyń artýymen baılanysty shuǵyl sheshim qabyldaý qajettiliginen týyndady.

Іshki ister mınıstrliginiń resmı deregine sáıkes, jyl basynan teńizben 30 myńnan astam mıgrant keldi. Bul tsıfra 2022 jyldyń basyndaǵy kórsetkishten 4 eseden astamǵa kóp. Tek 7-10 sáýir aralyǵynda Jerorta teńizindegi operatsııa kezinde Kalabrııa men Sıtsılııa jaǵalaýlarynda 3 myńǵa jýyq mıgrant qutqaryldy. Týnısten kelip jatqan bosqyndardyń deni Afrıka elderiniń týmalary. Ol jaqtan saıası jáne ekonomıkalyq turaqsyzdyqqa baılanysty ondaǵan mıl qashyqtyqta ornalasqan Italııanyń ońtústik jaǵalaýlaryna qonys aýdaryp jatyr.

Italııa úkimetiniń maqsaty –zańsyz mıgratsııamen kúres.