Italııada merziminen buryn parlament saılaýy bastaldy
ASTANA. QazAqparat - Saılaý aldyndaǵy saýalnamalardyń nátıjeleri kórsetip otyrǵandaı, ońshyl partııa alda keledi. Premer-Mınıstr laýazymy úshin kúreste «Italııa baýyrlary» partııasynyń jetekshisi Djordj Melonı kósh bastap keledi, dep habarlaıdy QazAqparat dw.com saıtyna silteme jasap.
25 qyrkúıek, jeksenbide Italııada el parlamentine kezekten tys saılaý bastaldy. Saılaý ýchaskeleri jergilikti ýaqyt boıynsha tańǵy saǵat 7-de ashylyp, 23.00-ge deıin jumys isteıdi. Osy ýaqytta alǵashqy ekzıtpýl nátıjeleri jarııalanady.
Saılaý Parlamenttiń eki palatasynda - Depýtattar palatasy men Senatta ótedi. Saýalnamalarǵa sáıkes, ortalyq oń jaq koalıtsııa alda keledi. Eger olar Italııada jeńiske jetse, ekinshi dúnıejúzilik soǵys aıaqtalǵannan keıin birinshi ret ońshyl kúshter úkimeti qurylady.
Djordj Melonı basqaratyn «Italııa baýyrlary» (25 paıyz) ońshyl partııasy halyq qoldaýyna ıe bolyp otyr. Koalıtsııaǵa Matteo Salvınıdiń «Soltústik Lıgasy», Sılvıo Berlýskonıdiń «Alǵa, Italııa» jáne «Biz – ustamdymyz» partııasynyń shaǵyn alıansy kiredi.
Saýalnamalar kórsetkendeı, partııalar arasynda ekinshi orynda Enrıko Lettanyń solshyl «Demokratııalyq partııasy» (21,2 paıyz) tur. AP agenttigi atap ótkendeı, demokrattar oń kúshter sııaqty birtutas odaq qura almady.
