Italııada mereıtoılyq Venetsııa kınofestıvali ashylady
ASTANA., 28 tamyz. QazAqparat - Italııada Adrıat teńizindegi Lıdo aralynda búgin 70-shi Venetsııa kınofestıvali ashylady. Festıvaldyń qazylar alqasy men qonaqtaryn Alfonso Kýarona quttyqtap, «Gravıtatsııa» fılmimen ashady, onda basty rólderde Djordj Kýlýnı men Sandra Býllok oınaıdy, dep habarlady RBK.
Kartına ǵarysh kemesindegi apat týraly baıandaıdy, onyń saldarynan eki astronavt ashyq ǵaryshta qutqarylýǵa úmitsiz jaǵdaıda qalady.
Konkýsstyq baǵdarlamaǵa túrli janrdaǵy 20 fılm engizildi. Olardyń arasynda japondyq Haıao Mııadzakıdiń «Jel kúsheıip keledi» anımatsııasy, Djonatan Gleızerdiń «Meniń ornymda bolsań» fantastıkalyq treıleri, koreıalyq rejısser Kım Kı Dýktiń «Mebıýs», taıvandyq Tsaı Mınlıannyń «Qańǵybas ıtter», brıtandyq Terrı Gıllıamnyń «Zero teoremasy» fılmderi bar.
Festıvalde orys kınematografısteriniń týyndylary joq. Degenmen «Venetsııa klassıkasy» baǵdarlamasy aýqymynda kórermenderge Alekseı Germannyń «Meniń dosym Ivan Lapshın» atty jańǵyrtylǵan fılmi usynylady.
Uıymdastyrýshylar ekinshi jyl qatarynan onlaın-zalyn ashty, onda álemniń barlyq paıdalanýshylary «Gorızont» baǵdarlamasynan www.labiennale.org saıtynda aǵylshyn tilindegi sýbtıtrlermen fılmderdi kóre alady.
Festıval 7 qyrkúıekte aıaqtalady.
