Italııada mektepter men dúkender qaıta jabylady
NUR-SULTAN. QazAqparat – Italııadan 15 naýryzdan bastap qaıta lokdaýn engizedi. Nıý-Iorkte koronavırýs qurbandaryn aza tutý sharasy ótti. Al Ózbekstan elge keletinder úshin talapty ózgertti, dep habarlaıdy QazAqparat.
Italııa ótken jyly koronavırýsqa baılanysty karantındik shekteýlerdi jarııalaǵan alǵashqy elderdiń biri. Endi memleket jańa lokdaýnǵa daıyndalýda. Koronavırýstyń kelesi taralý qaýpine baılanysty 15 naýryzdan bastap Italııada mektepter, meıramhanalar, dúkender men murajaılar jabylady. Katolıktik Pasha meıramy ýaqytynda shekteýler óz kúshinde qalady.
Nıý-Iorkte koronavırýs ınfektsııasy rastalǵan alǵashqy adamnyń qaıtys bolýynan bir jyl ótken soń, megapolıste pandemııanyń 30 myńnan astam qurbanyn aza tutý memorıaldyq sharasy ótti. Nıý-Iork qalasy 2020 jyldyń kókteminde AQSh-taǵy COVID-19 epıtsentri atanǵan bolatyn.
15 naýryzdan bastap Ózbekstanǵa kiretin azamattardy koronavırýsqa mindetti testileý toqtatylady. Áýejaılarda, vokzaldarda jáne shekaralyq ótkizý pýnkterinde test tapsyrýdyń ornyna elge kelgender koronavırýs ınfektsııasynyń joq ekendigin rastaıtyn PTR-anyqtama usynýy tıis. Anyqtama merzimi 72 saǵattan aspaýy qajet.
