Italııada mafııamen baılanysy úshin qalanyń ákimshiligi túgelimen qyzmetterinen bosatyldy
ASTANA. 10 qazan. QazAqparat - Italııanyń Úkimeti mafııamen baılanysy úshin Redjo-dı-Kalabrııa qalasynyń ákimshiligin otstavkaǵa jiberdi, dep habarlaıdy VVS.
Sheshim qalalyq sheneýnikterdiń Italııadaǵy eń myqty qylmystyq toptardyń biri bolyp sanalatyn «Ndrangetemen» baılanysy bar ekeni týraly málim bolǵannan keıin qabyldandy. Italııanyń ishki ister mınıstri Anna Marııa Kanchellerı málimdegendeı, mafııanyń shahardy óz baqylaýyna alýyn boldyrmaý úshin qalanyń meri men qalalyq keńestiń barlyq 30 múshesi qyzmetterinen bosatyldy.
Jańa ákimshilikti saılaý bir jarym jyldan keıin bolady. Ol ýaqytqa deıin qalany úkimet taǵaıyndaǵan 3 komıssar basqarady.
Aıta keteıik, Redjo-dı-Kalabrııa qalasy osy attas eldi mekenniń ákimshilik ortalyǵy bolyp tabylady. Qalada shamamen 180 myń turǵyn turady.
