Italııada qylmys áleminiń beldi múshelerinen 45 keli altyn, 2 tonna kúmis tárkilendi
ASTANA. QazAqparat - Italıandyq karabınerler orys mafııasyna qatysty aýqymdy operatsııanyń aıaqtalǵanyn jarııalady.
Reseı quqyq qorǵaý organdaryndaǵy aqparat kózi "Rosbaltqa" habarlaýynsha, jýyrda ıtalıandyqtar RF ІІM ókilderine "Kýra" arnaıy operatsııasynyń aıaqtalǵany týraly aıtqan. Onyń sońǵy kezeńi 2014 jyldyń shildesinde Novaro jáne Mılan qalalarynda ótken. Karabınerler 10-ǵa jýyq gangsterdi ustaǵan. Onyń ishinde qylmys áleminiń beldi múshesi Gogıta degen esimmen belgili Gochı Maısýradze de bar.
«Orys mafııasy» ókilderiniń páterleri men kotedjderin tekserý barysynda 45 keli altynnan jasalǵan buıym, 2 tonnadan astam kúmisten jasalǵan áshekeı buıymdary men ydys, sonymen birge 3 mln. eýro kólemindegi túrli valıýtadaǵy aqsha tárkilendi. Bul zattardyń barlyǵyn uıymdasqan top músheleri jeke úılerden urlaǵan zattar.
"Kýra" operatsııasy 2013 jyldyń maýsymynda bastalǵan jáne bir jyldan astam ýaqytqa sozyldy. Shara barysynda Eýropada 44 gangster ustaldy, sonyń ishinde 20-ǵa jýyǵy qylmys áleminiń beldi músheleri. Temir tordyń ar jaǵynda top basshysy - Merab Sýhýmskıı esimimen belgili "krımınaldy general" Merab Djangveladze jazasyn óteıtin boldy.
