Italııada kúres akademııasy memlekettik tirkeýden ótti

Halyqaralyq kúres qaýymdastyǵynyń málimetinshe, Italııa kúres akademııasy resmı túrde jumysyn bastady. Kazinform bul týraly Uza.uz-ge silteme jasap habarlaıdy. 

Jańadan qurylǵan Italııa kúres akademııasyna qoldaý kórsetý maqsatynda Halyqaralyq kúres qaýymdastyǵynyń Kúres ınstıtýty men Ózbekstan kúres federatsııasy osy jyldyń aqpan aıynyń sońynda Eýropanyń atalǵan elinde bapkerlik semınar uıymdastyrady.

Ózbekstan kúres federatsııasy jáne múddeli uıymdarmen birlesip ótkizilgen bul semınarǵa Eýropanyń barlyq eliniń ókilderi qatysa alady. Onda kári qurlyqta kúresti tanymal etýmen aınalysatyn mamandar men sportshylarǵa kúreske arnalǵan kúrtesheler men oqý-jattyǵý quraldary taratylady.

Bul kúres semınary 2024 jyldyń shilde aıynda ótkizý josparlanǵan halyqaralyq týrnırge daıyndyqtyń mańyzdy kezeńi sanalady. Aldaǵy ýaqytta Italııada júlde qory bar halyqaralyq týrnır ótedi.