Italııada «Koza Nostra» músheleri quryqtaldy - qala merin qosqanda, 40 adam qamaýǵa alyndy
ASTANA. 8 sáýir. QazAqparat - Sáýirdiń 8-i kúni tańerteń Palermo provıntsııasynda ıtalıandyq karabınerlerdiń sıtsılııalyq «Koza Nostra» qylmystyq uıymyna qarsy keń aýqymdy arnaıy operatsııasy bastaldy, dep habarlaıdy RosBıznesKonsaltıng saıty.
Polıtseıler 40 adamdy qamaýǵa aldy, onyń ishinde Montelepre qalasynyń meri Djakomo Tınervıany ustady. Operatsııaǵa 300 polıtsııa qyzmetkerleri, sonymen birge eki tikushaq jumyldyryldy. Qamaýǵa alynǵan merdi polıtsııa para aldy jáne bopsalady dep aıyptaýda.
Toptyń qylmystyq qyzmetin tekserý 2010 jyly bastaldy. Tez arada karabınerler mer Dj.Tınervıanyń jergilikti mafııa basshysy Djýzeppe Lombardomen tyǵyz baılanysta ekenin anyqtap bildi. Sonymen birge búgin tańerteń top basshysy da ustaldy.
Bul is boıynsha naqty túsindirme keshirek Palermo prokýrorynyń baspasóz máslıhaty barysynda aıtylatyn bolady, dep habarlady qadaǵalaý vedomstvosynyń baspasóz qyzmeti. 2013 jyly naýryzda «Dempartııa» múshesi Petro Grasso Italııa Senatynyń tóraǵasy bolyp saılanǵanyn atap ótken jón, ol kezinde mafııamen kúres jóninde úılestirýshi bolǵan jáne Palermo prokýrory bolyp qyzmet atqarǵan,. Búgin tańerteń bastalǵan áshkereleý naýqanynyń bastamashysy - sol parlament spıkeri bolýy da múmkin.
