Italııada kóshkin saldarynan 9 adam kóz jumdy
ASTANA. QazAqparat - Italııada kóshkin saldarynan 9 adam kóz jumdy, osyǵan deıin 5 adam qaza tapqany týraly jarııalanǵan bolatyn, dep habarlaıdy TASS.
Oqıǵa Gran-Sasso taý massıvinde oryn alǵan. Kóshkin 1,2 myń metr bıiktikten qulap, 4 qabatty Rigopiano di Farindola qonaqúıin jaýyp tastady.
11 adam qutqaryldy, olardyń barlyǵy tikushaqpen Peskara qalasynyń mańyndaǵy aýrýhanaǵa jetkizildi. 20 adam iz-túzsiz joǵalǵandar qatarynda. Іzdeý-qutqarý jumystary jalǵasyp jatyr.
