Italııada koronavırýstan kóz jumǵandar sany 463-ke jetti
RIM. ANSA-QazAqparat – Dúısenbi kúni Italııanyń Azamattyq qorǵaý ulttyq qyzmetiniń basshysy Andjelo Borrellı elde koronavırýstan 463 adam kóz jumǵanyn málimdedi, dep habarlaıdy «QazAqparat» ANSA agenttigine silteme jasap.
Ol Italııada koronavırýsqa shaldyqqan adamdardyń sany 7985-ke jetkenin habarlady. Elde koronavırýsqa shaldyǵýdyń 9172 oqıǵasy tirkelgen.
Osylaısha, búginde Italııa ólimge ákelip soqtyratyn jańa tıptegi vırýsqa shaldyqqandardyń sany jaǵynan Qytaıdan keıin ekinshi el boldy.
Sonymen birge, Borrellıdiń aıtýynsha, elde 724 adam emdelip shyqty. Bul jeksenbi kúnimen salystyrǵanda 102 adamǵa kóp.
Eske sala keteıik, 21 aqpanda Italııada koronavırýstan alǵashqy adam qaıtys boldy. 78 jastaǵy er adam Qytaıda paıda bolǵan jańa koronavırýstyń alǵashqy eýropalyq qurbany boldy.
