Italııada koronavırýstan kóz jumǵandar sany 11 adamǵa jetti
RIM. QazAqparat – Lombardııa men Venetodan Sıtsılııa, Toskana men Lıgýrııaǵa taraǵan koronavırýstan 11 adam qaıtys boldy, dep habarlaıdy QazAqparat ANSA agenttigine silteme jasap.
Premer-mınıstr Djýzeppe Konte eldiń bul daǵdarysqa qasqaıa qarsy turyp, aman shyǵatynyn málim etti. Sonymen qatar ol koronavırýstyń taralýyna Lodı mańyndaǵy Kodono aýrýhanasynyń emdeýge qabiletsizdigi sebep bolǵanyn jetkizdi.
Sesenbi kúni baspasóz máslıhaty kezinde Italııanyń Azamattyq qorǵanys qyzmetiniń basshysy Andjelo Borrellı koronavırýstan 11 adamnyń qaıtys bolǵanyn habarlady.
Onyń aıtýynsha, sońǵy birneshe saǵatta eldiń 80 jastaǵy úsh azamaty qaza tapqan.
Sonymen qatar, Trevızoda respıratorlyq aýrýdyń asqynýyna baılanysty emhanaǵa jatqyzylǵan 76 jastaǵy áıel koronavırýs juqtyryp, ómirden ozdy.
Borellı Italııada 322 jańa vırýs juqtyrý oqıǵasy tirkelgenin aıtty. Sıtsılııada indet juqtyrǵandar úsheýge jetti.
Eń kóp zardap shekken aýdan – Lombardııa, ol aımaqta vırýs 9 adamnyń ómirin qıyp, 240 adam dertke shaldyqty.
Seısenbi kúni úkimet alǵashqy koronavırýs juqtyrý oqıǵasy Lıgýrııa ákimshilik aýdanynda tirkelgenin habarlady.
Rımde seısenbide bolǵan baspasóz máslıhaty kezinde Dúnıejúzilik densaýlyq saqtaý uıymynyń ókili Ýolter Rıkkardı Italııada koronavırýs juqtyrǵandardyń 3%-y ǵana qaıtys bolǵanyn málimdedi.
