Italııada koronavırýstan kóz jumǵandar sany 100-den asty
RIM. QazAqparat – Sársenbi kúni Italııada koronavırýs juqtyryp alǵandar sany 2706 adamǵa jetti, bul aldaǵy kúnmen salystyrǵanda 443 adamǵa kóp. Bul týraly ANSA agenttigine silteme jasaǵan QazAqparat HAA habarlaıdy.
Italııanyń azamattyq qorǵanys ulttyq qyzmetiniń basshysy Andjelo Borrellıdiń aıtýynsha, elde indetten kóz jumǵandar sany 107 adamdy qurady. 276 adam saýyǵyp ketti. Bul seısenbi kúngi kórsetkishpen salystyrǵanda, 116 adamǵa kóp. Dertten aıyǵyp ketkender sanynyń ósimi – 72,5 paıyz. Bul sońǵy birneshe kúnde eń úlken kórsetkish.
Іndet juqtyrǵan 297-ge jýyq adam jansaqtaý bóliminde jatyr. Borrellıdiń aıtýynsha, 1346 adam aýrýhanada, taǵy 1065 adam – úıdegi karantınde jatyr.
Italııa úkimeti koronavırýs saldarynan beısenbiden bastap naýryz aıynyń ortasyna deıin eldegi barlyq mektepter men ýnıversıtetterdi jabý sheshimin qabyldady. Bul týraly Italııanyń bilim mınıstri Lıýtsııa Atstsolına málim etti.
Eske sala keteıik, 21 aqpanda Italııada koronavırýstan birinshi adam kóz jumdy.
