Italııada koronavırýstan besinshi adam kóz jumdy
RIM. QazAqparat –Koronavırýs juqtyrǵan besinshi adam kóz jumdy, dep habarlaıdy QazAqparat ANSA agenttigine silteme jasap.
Dúısenbi kúni Lombarıdııa gýbernatory Attılıo Fontana koronavırýstan kóz jumǵan 5- adam 84 jastaǵy er adam bolǵanyn jáne onyń aýrýhanada bolǵanyn rastady.
Fontana Lombarıdııadaǵy aýrý juqtyrǵandardyń sany 165 adamǵa jetkenin atap ótti. Bul Italııada vırýs juqtyrǵandardyń jalpy sany 200 adamǵa artqanyn bildiredi.
Venetoda 27 jaǵdaı, taǵy 16 jaǵdaı Emılııa-Romanıada, al Pemontta, Trentıno-Alto-Adıdjede, Latsıoda úsh-úshten tirkelgen. Latsıoda vırýsty Qytaıdyń Ýhan qalasynan kelgen ıtalııalyq zertteýshi, sondaı-aq Rımniń Spallantsanı aýrýhanasynda jatqan taǵy eki qytaılyq týrıst juqtyrǵan.
Lombardııa, Veneto, Pemont, Trentıno-Alto-Adıdje jáne Frıýlı-Venetsııa-Djýlııa oblystarynda mektepter, ýnıversıtetter, murajaılar, eskertkishter men kitaphanalar jabylǵan, sonymen qatar adam kóp baratyn qoǵamdyq sharalarǵa tyıym salynǵan.
Italııa bıligi koronavırýstyń taralýyna baılanysty tanymal Venetsııa karnavalyn keıinge shegergen.
Densaýlyq saqtaý jónindegi eýrokomısar Stella Kırıakıdes Aýrýdyń aldyn alý jáne baqylaý jónindegi Eýropalyq ortalyq pen Dúnıejúzilik densaýlyq saqtaý uıymynan kelgen sarapshylar toby COVID19 berilýin shekteý úshin kómek kórsetýge Italııaǵa keldi.
