Italııada koronavırýstan 79 adam kóz jumdy
RIM. ANSA – QazAqparat – Italııada COVID-19 vırýsyn 2263 adam juqtyrǵan. Bul týraly eldiń azamattyq qorǵanys ulttyq qyzmetiniń basshysy Andjelo Borrellı aıtty, dep habarlaıdy QazAqparat ANSA-ǵa silteme jasap.
Alaıda, aıta ketken jón, emdelip shyqqandar sany 160 adamdy qurady. Bul dúısenbidegi kórsetkishten 11-ge kóp.
Eske salaıyq, Italııada koronavırýstan alǵash ret 21 aqpanda bir adam kóz jumdy. Ol Qytaıda paıda bolǵan jańa koronavırýstyń Eýropadaǵy alǵashqy qurbany boldy.
Italııa densaýlyq saqtaý mınıstri Roberto Sperantsanyń aıtýynsha, 78 jastaǵy er adam soltústiktegi Padýıa qalasynda aýrýhanada kóz jumǵan. Ol medıtsına mekemesinde 10 kún boıy em alǵan. Sondaı-aq, Italııada koronavırýstan 52 adam kóz jumǵanyn habarlaǵan edik.
