Italııada koronavırýspen aýyrǵandar sany eki júz myńnan asty
RIM. QazAqparat – Seısenbi kúni Azamattyq qorǵanys departamenti Italııada koronavırýspen aýyrǵandardyń jalpy sany eki júz myńnan asqanyn málimdedi, dep habarlaıdy QazAqparat ANSA agenttigine silteme jasap.
Departamenttiń málimetinshe, qazirgi ýaqytta Italııada COVID-19 vırýsyn 105 205 adam juqtyrǵan. Al, elde osy ınfektsııadan 27 359 adam kóz jumǵan, sondaı-aq koronavırýstan 68 941 adam emdelip shyqqan.
Infektsııa juqtyrǵandar, qaıtys bolǵandar jáne saýyǵyp shyqqan adamdardy qosqanda koronavırýspen aýyrǵandardyń jalpy sany – 201 505 adam.
Departament sondaı-aq qazirgi ýaqytta ıntensıvti terapııada COVID-19 vırýsyn juqtyrǵan 1863 patsıent jatqanyn habarlady.
Aıta keteıik, bul dúısenbi kúngi kórsetkishten 93 adamǵa az. Osylaısha Italııada pandemııanyń tómendeý qarqyny jalǵasýda.
Eske sala keteıik, Italııada jappaı oqshaýlaý rejımi 3 mamyrǵa deıin uzartylǵan bolatyn. Alaıda seısenbiden bastap kitap, keńse taýarlary men kıim dúkenderi ashyla bastady. Zaýyttar jabyq. Elde mektepter de bıylǵy oqý jylynyń sońyna deıin jabyq bolady.
