Italııada koronavırýsqa baılanysty TJ rejımi sáýirdiń sońyna deıin uzartylady
RIM. ANSA – QazAqparat – Italııa bıligi koronavırýsqa baılanysty eldegi TJ rejımin 2021 jylǵy sáýirdiń sońyna deıin uzartady, dep habarlaıdy QazAqparat ANSA agenttigine silteme jasap.
TJ rejımin uzartý týraly Italııanyń densaýlyq saqtaý mınıstri Roberto Sperantsa málimdedi. Ol Italııa úkimeti eldiń «qyzyl» ǵana emes, sondaı-aq «sary aımaqqa» da engen óńirleri arasynda adamdar qozǵalysyna tyıym salýy múmkin ekenin aıtty.
«Biz eldegi epıdemıologııalyq jaǵdaıdyń ýshyqqanyn kórip otyrmyz. Epıdemııa qaıtadan óristeý kezeńinde. Osyǵan baılanysty Italııada TJ rejımi 2021 jylǵy 30 sáýirge deıin uzartylady», - dedi Roberto Sperantsa.
Eske sala keteıik, qazan aıynda Frantsııa men Italııa koronavırýs ınfektsııasyn juqtyrýdyń táýliktik kórsetkishi boıynsha antırekord ornatqan edi. Jańa vırýstan bolǵan táýliktik ólim jaǵdaılarynyń sany 43-ten 83-ke deıin, ıaǵnı eki esege artqan bolatyn. Elde pandemııa bastalǵaly tirkelgen ólim derekteriniń jalpy sany 36 000-nan asady. Sondaı-aq Italııada koronavırýs ınfektsııasyna júrgizilgen test sany da 163 000 bolyp, rekordtyq kórsetkishke jetti.
