Italııada koronavırýs juqtyrǵandar sany ósýde

RIM. QazAqparat – Italııada koronavırýs juqtyrǵandar sany kún sanap artyp keledi. Bul týraly QazAqparat Agenzia Nazionale Stampa Associata (ANSA) agenttigine silteme jasap habarlaıdy.

Agenttiktiń Italııa densaýlyq saqtaý mınıstrligi taratqan aqparatqa súıene otyryp habarlaýynsha, sońǵy táýlikte Italııada koronavırýs juqtyrýdyń jańa 1071 oqıǵasy tirkelgen. Osylaısha mamyr aıyndaǵy kórsetkishke jetti.

Eske salsaq, buǵan deıin Italııada mamyr aıynan bastap koronavırýs ınfektsııasyn juqtyrýdyń bári táýlik ishindegi eń úlken ósimi tirkelip, osyǵan baılanysty elde jańa shekteý engizilip jatqany týraly habarlaǵan bolatynbyz.

Sondaı-aq, Eýropanyń taǵy bir eli Germanııada da bir táýlikte 2 myńnan asa adamnan koronavırýs anyqtalyp, elde mamyrdan keıin ósim tirkeldi.