Italııada kópir opyrylyp, 35 adam qaza tapty
ASTANA. QazAqparat - Italııanyń Genýıa qalasynda kópir opyrylyp, 35 adam opat boldy, dep habarlaıdy QazAqparat 24.kz silteme jasap.
Qurbandar arasynda kishkentaı bala da bar. Taǵy 7 adam túrli deńgeıde jaraqat alyp, olardyń beseýi aýyr halde jatyr. Sońǵy málimetterge sáıkes 10 kisi - is-túzsiz joǵalǵandar qatarynda. Osyǵan deıin 22 adamnyń kóz jumǵany týraly habarlanǵan bolatyn.
Jergilikti buqaralyq aqparat quraldarynyń habarlaýynsha, alyp kólik ótkeli úılerdiń ústine qulaǵan. Nysandardyń ishinde ázirge qansha adam bolǵany belgisiz. Apat bolǵan aýmaqta qozǵalys toqtatylyp, tergeý jumystary júrip jatyr. Kópirdiń qulaýyna jóndeý jumystarynyń tıisti dárejede júzege aspaýy men qyzmet kórsetý sapasynyń tómendigi sebep bolǵan. Bul týraly Italııanyń kólik jáne ınfraqurylym mınıstri málimdedi.
Mamandardyń aıtýynsha, qaza tapqandar sany áli de artýy múmkin.
