Italııada qoqys tastaǵandarǵa 18 myń eýroǵa deıin aıyppul salynady
ASTANA. KAZINFORM — Kólikten jolǵa nemese trotýarǵa tastalǵan qoqys paketi Italııada endi júrgizýshige 18 myń eýroǵa deıin aıyppul salynýyna ákelýi múmkin. Al maılyqtar, plastıkalyq bótelkeler men temeki tuqyldary úshin aıyppul 1188 eýroǵa deıin jetedi.
Eger júrgizýshi qoqysty qoryq aýmaǵynda nemese basqa da qorǵalatyn tabıǵı aımaqta tastasa, aıyppuldan bólek júrgizýshi kýáliginen aıyrylýy nemese túrmege qamalýy múmkin.
Bul rette kólik toqtap tur ma, álde qozǵalysta ma — báribir, eshqandaı aıyrmashylyq joq. Endi polıtsııa quqyq buzýshylardy tikeleı ustap alýy mindetti emes, beınebaqylaý kamerasyna túsip qalýy jetkilikti.
Váselen Germanııada kólikten qoqys tastaǵany úshin aıyppul mólsheri ondaǵannan júzdegen eýroǵa deıin jetedi. Aıyppul somasy naqty qoqys túrine jáne federaldyq jerge baılanysty ártúrli bolady.
Eske sala keteıik, Italııa úkimeti álemdegi eń uzyn aspaly kópir jobasyn bekitken edi.