Italııada klımattyń ózgerýi týraly pán mektep baǵdarlamasyna engiziledi
NUR-SULTAN. QazAqparat - Italııa mektep oqýshylaryna klımattyń ózgerýi týraly oqytatyn álemdegi birinshi memleketke aınalady, dep jazady CNN.
Kelesi jyldan bastap Italııa mektepterinde barlyq synyptarda klımattyń ózgerýi páni oqytylady. Osylaısha Italııa ózin ekologııalyq bilim berýdiń álemdegi kóshbasshysyna aınaldyrmaq.
Italııanyń bilim mınıstri atalǵan pán barlyq memlekettik mektepterde jylyna 33 saǵat ótkiziletinin aıtty.
«Bolashaqtyń azamattary klımattyq tótenshe jaǵdaılarǵa daıyn bolýy kerek. Bul pán sol úshin engizildi», dedi mınıstr. Onyń aıtýynsha, bılik Italııanyń bilim berý salasyn qorshaǵan orta men qazirgi qoǵamda bolyp jatqan ózgeristerdi eskeretin alǵashqy júıege aınaldyrýdy kózdeıdi.
