Italııada qıraǵan kópir ornynda izdestirý jumystary toqtatyldy
GENÝıA. QazAqparat - Italııanyń Genýıa qalasyndaǵy qıraǵan kópir úıindisinde izdestirý-qutqarý jumystary tolyǵymen aıaqtaldy, dep habarlaıdy Habar 24 telearnasy.
Sońǵy málimetterge sáıkes, taǵy 3 adamnyń denesi tabyldy. Sonymen, osy apattan qaza tapqandar sany 43-ke jetti. Іs-tússiz joǵalǵandar joq. Ázirge 9 kisi aýrýhanada jatyr. Olardyń tórteýiniń jaǵdaıy óte aýyr.
Osyǵan deıin qurban bolǵandarmen qoshtasý rásimin Italııa úkimeti uıymdastyrǵany týraly habarlandy. Alaıda, qaıtys bolǵandardyń keıbireýleriniń týystary bılikke narazylyq retinde jeke jerleý rásimderin ótkizdi. Sebebi olar qaıǵyly oqıǵaǵa memlekettik uıymdardy kinálaıdy.
Olar «eger ınfraqurylymdy jiti baqylaýda ustaǵanda, mundaı adam shyǵyny bolmas edi» degendi alǵa tartty.
Óz kezeginde úkimet aldaǵy ýaqytta eldegi joldardy qaýipsiz etip, mundaı oqıǵalardyń aldyn alýǵa ýáde berdi.
Eske sala keteıik, 14 tamyzda 50 metr bıiktikte ornalasqan 200 metrlik estakada bóligi opyrylyp tústi. Sol sátte kópirdiń ústinde 40 shaqty kólik bolǵan.
