Italııada kedeılerdi merzimi ótken taǵammen tamaqtandyrýǵa ruqsat berdi
ASTANA. QazAqparat - Italııa bıligi jaramdylyq merzimi ótip ketken azyq-túlikterdi qaıyrymdylyq maqsatta bergeni úshin aıyppuldy joıý týraly sheshim qabyldady. Bul - jyl saıyn laqtyrylatyn azyq-túlik kólemin qysqartýǵa baǵyttalǵan parlament maquldaǵan bastamanyń biri, dep habarlady The Independent.
Jyl saıyn elde bes mıllıon tonnaǵa jýyq ónim laqtyrylady. Onyń jıyntyq quny 10 mıllıard eýro nemese Italııanyń ІJÓ 1 paıyzy. Bılik bul deńgeıdi bes esege tómendetpek.
Basylym jazǵandaı, 20 paıyz jumyssyzdyq beleń alyp, kedeıler sany mıllıonǵa jetkende, mundaı ysyrapshyldyqqa jol berýge bolmaıdy.
Atap aıtqanda, qaıyrymdylyq maqsatta ónim taratatyn fermerlerge, sýpermarketterge tóreshildik kedergiler alyp tastalady.
Bılik sonymen qatar, eki baǵdarlamany qarjylandyrmaq nıette, dep jazady Lenta.rý.
Mıllıon eýro turatyn birinshi baǵdarlama azyq-túliktiń jaramdylyq merzimin ulǵaıtý úshin saqtaý jáne tasymaldaý salasyndaǵy jańa tehnologııalyq sheshimderdi ázirleýge baǵyttalǵan.
Taǵy mıllıon eýro kelýshilerdi dámhanalar men meıramhanalarda jelinbeı qalǵan taǵamdardy alyp ketýge daǵdylandyratyn arnaıy nasıhattaý naýqanyna jumsalady. Sonymen birge, ıtalıandyqtarǵa munda qysylatyndaı eshteńe joq ekenin túsindirýge arnalady.
FAO derekterine sáıkes, jyl saıyn eýropada taǵamnyń jalpy sanynan 40 paıyzy laqtyrylady. Bul 200 mıllıon adamdy tamaqtandyrýǵa jeter edi.
