Italııada Qazaq kúresi federatsııasy quryldy
Halyqaralyq Qazaq kuresi halyqaralyq federatsııasynyń korporatıvtik basqarý boıynsha bas menedjeri Dınara Qurbanova QazAqparat tilshisine habarlaǵandaı, Djordjı Vıttorıo esimdi ıtalııalyq balýan Qazaqstandaǵy federatsııaǵa habarlasqan.
«Djordjı Vıttorıonyń ózi jekpe-jekpen, dzıýdomen, belkúrespen, sondaı-aq ózbektiń kýrashymen aınalysady. Bizdiń Qazaq kúresi týraly estip, vıdeosyn kórgennen keıin qatty qyzyqty. Qazirdiń ózinde Italııada Qazaq kúresi federatsııasyn ashyp otyr. Endi búgingi tańda semınar ótkizý úshin bizden tóreshiler men nusqaýshylardy suraýda», - deıdi Dınara Qurbanova.
Onyń aıtýynsha, osy jyldyń maýsym aıynda Polshada Qazaq kúresinen Eýropa chempıonaty ótedi. Qazaq kúresi halyqaralyq federatsııasy atalmysh saıysqa ıtalııalyq balýandardy qatystyrýǵa kúsh salyp jatyr.
«Polshada Eýropa chempıonaty 9 salmaq boıynsha (8 salmaq jáne absolıýt) ótedi. Polsha, Gúrjistan, Reseı, Lıtva, Latvııa, Armenııa elderiniń balýandary naqty keletinderin aıtyp otyr. 17 tóreshi tórelik etedi. Onyń jartysy - sheteldik», - deıdi ol.
Eske sala ketsek, Qazaq kúresi federatsııasy byltyr Iranda da qurylǵan bolatyn.
