Italııada qazaq kınosy kórsetildi

ASTANA. 11 shilde. QazAqparat - «Qazaqfılm» kınostýdııasynyń «Teńiz qasqyry» atty týyndysy Italııadaǵy Halyqaralyq qysqa­metrajdy fılmder men debıýttyq jumystardyń «Maremetraggo» fes­tıvaline qatysty.

Bul jóninde «Qa­zaqfılm» kınostýdııasynyń bas­pasóz qyzmeti málimdedi, dep jazady «Aıqyn» gazeti.

Qysqametrajdy fılm 18 mınýt kórsetiledi. Týyndy rejısseri - Al­mas Bektibaev. «Teńiz qasqyry» qys­qametrajdy fılmi Trıest qala­synda 30 maýsym men 6 shilde aralyǵynda ótken 14-Halyqaralyq qysqa­metraj­dy fılmder men debıýttyq jumys­tardyń «Maremetraggio» fes­tıvaline qatysty.

Fılm jelisi boıynsha Aral te­ńizi jaǵasyndaǵy óziniń kemesin qor­ǵa­maq bolǵan kári kapıtannyń oqı­ǵasyn baıan­daıdy. Aıta ketý kerek, buǵan deıin fılm ІІ Tashkent Ha­lyqara­lyq «Altyn gepard» kınofo­rýmynda dıp­lommen ma­rapattalyp, «Sháken Jul­dyzdary - 2012» kıno­festıvalinde «Qazaqfılm» kıno­stý­dııasynyń ar­naıy júldesine ıe bol­ǵan. Sondaı-aq Frantsııanyń 10-Halyqaralyq qys­qa­metrajdy kıno­larynyń L'In­connu fes­tıvaline, qor­shaǵan ortany qor­ǵaýǵa arnalǵan fılm­derdiń ECO­­-
ZINE 6-Ha­lyq­ara­lyq festıvaline já­ne Nıý-Iorkte ótken 2-eýrazııa­lyq fılm­derdiń «New York Eurasian Film» festıvaline qa­tysqan.

Italııanyń «Maremetraggio» fes­tıvalinde bıyl qazaqstandyq kıno­týyndylarǵa arnalǵan «Qazaqstan - ba­la­lyq shaǵymnyń aspany» atty baǵ­darlama kórsetildi. Sondaı-aq Ita­lııada «Teńiz qasqyrynan» ózge Ámir Qaraqulovtyń «Vırtýaldy mahabbat», Ermek Tursynovtyń «Shal», Bekbolat Shekerovtyń «Qońyr» qysqametrajdy lentasy kórsetildi.