Italııada qatty aıaz: Fermerler buzaýlarǵa palto kıgizip jatyr
ASTANA. QazAqparat - Italııada arktıkadan jetken sýyq saldarynan temperatýra kúrt tómendedi. Іri qara maldy aıazdan aman alyp qalý úshin keıbir jergilikti fermerler malǵa jyly kıim kıgizýge májbúr boldy, dep habarlaıdy La Repubblica basylymy.
«Fermerler buzaýlardy paltoǵa orap, sondaı-aq qoralardy jyly ustaý úshin elektr shamdaryn ornatýda. Malǵa beretin sýdy 20 gradýsqa deıin ysytyp, qosymsha azyqtandyryp jatyr»,-deıdi Coldiretti aýyl sharýashylyǵy qaýymdastyǵynyń mamandary.
Italııalyq fermerlerdiń esebi boıynsha, qolaısyz aýa raıynyń 2018 jyly aýyl sharýashylyǵyna tıgizgen zııany €1,5 mlrd-tan asyp ketken. Al 2019 jylǵy bul qatty sýyq azyq-túlik jetkizýge problemalar týdyrýy múmkin.
Al qosymsha azyqtyń shyǵyny et ónimderiniń qymbattaýyna soqtyrady.
