Italııada qala meri ár senbi saıyn turǵyndarmen serýendeýge shyǵady

ASTANA. KAZINFORM — Italııanyń Valdobbıadene qalasynyń meri Lýchano Fregoneze aryqtaý úshin turǵyndarmen apta saıyn serýendeýge shyǵady, dep jazady The Guardian.

Lýchano Fregoneze 47 jasta, salmaǵy 140 keli. Maýsym aıynda ol úshinshi ret Valdobbıadene meri bolyp qaıta saılandy. Odan keıin salaýatty ómir saltyn ustanyp, 90 kelige deıin salmaq tastaýǵa nıet etti. Onyń osydan 10 jyl buryn alǵash ákim bolyp saılanǵan kezdegi salmaǵy dál osyndaı bolǵan.

Qala basshysy artyq salmaqtyń negizgi sebebi onyń otyryqshy ómir salty, jalqaýlyq, fızıkalyq belsendiliktiń bolmaýy jáne dámdi taǵamǵa degen súıispenshiligi ekenin moıyndaıdy.

Lýchano Fregoneze qala qabyrǵalarynyń birindegi "semiz adam"degen jazýdy kórgennen keıin júgirýge shyǵa bastady. Qabyrǵadaǵy jazýdyń fotosýreti áleýmettik jelilerde tez taraldy.