Italııada HAMAS uıymyna qarjylaı qoldaý kórsetkender tutqyndaldy
ASTANA. KAZINFORM — Italııa polıtsııasy «palestınalyq HAMAS tobyna qarjy jınady» degen aıyppen 9 adamdy tutqyndady. Olar eki jyldan astam ýaqyt ishinde sodyrlar úshin shamamen 7 mıllıon eýro jınaǵan, dep jazdy VVS.
Tergeýshiler tranzaktsııalardyń keıbiri HAMAS uıymynyń 2023 jyldyń qazan aıynda Izraılge shabýylynan buryn júrgizilgenin anyqtady.
Polıtsııa málimdemesinde bul aqshanyń palestınalyq beıbit turǵyndarǵa gýmanıtarlyq kómek retinde jınalǵany, biraq onyń ornyna sodyrlarǵa «kúrdeli qarajat jınaý júıesi» arqyly jiberilgeni aıtylǵan.
Italııa polıtsııasy tergeý aıasynda ustalǵandardan quny 8 mıllıon eýrodan asatyn múlik tárkilengenin aıtty. Top músheleri «terrorlyq áreketke yqpal etti dep esepteletin qarjylyq tranzaktsııalar jasady» dep tikeleı aıyptalǵan.
Kúdiktilerdi ustaý ıtalııalyq lańkestikke qarsy kúres pen qarjy polıtsııasynyń birlesken operatsııasy aıasynda júrgizildi. Tergeý 2023 jyly 7 qazanda Izraıldiń ońtústiginde HAMAS shabýylynan keıin bastaldy.
Polıtsııa shabýylǵa deıin kúdiktilerdiń keıbirine qatysty «birqatar kúdikti qarjylyq tranzaktsııalar týraly esepterdi» taldaǵanyn aıtty.
Málimdemede tergeýshiler shtab-páteri Genýıa men Mılanda bólimsheleri bar «kúrdeli qarajat jınaý júıesin» anyqtaǵany aıtylǵan.
— Kúdiktiler Gaza sektorynyń beıbit turǵyndaryna arnalǵan qaıyrymdylyq kómegin jınady, biraq bul qarajattyń 71%-dan astamy toptyń áskerin qarjylandyrý jáne jankeshtilerdiń nemese lańkestik úshin ustalǵandardyń otbasylaryna qoldaý kórsetý úshin HAMAS kassasyna aýdarylǵany belgili boldy, — delingen polıtsııa málimdemesinde.
Іshki ister mınıstri Matteo Pıantedosı tutqyndalǵandardyń ishindegi eń tanymaly Italııadaǵy Palestına qaýymdastyǵynyń prezıdenti Mohammed Hannýn ekenin aıtty. Negizi Hannýn buǵan deıin ózin HAMAS-tyń demeýshisi degen aıyptaýdy rastamaǵan.
Pıantedosı X áleýmettik jelisinde jarııalanǵan habarlamada polıtsııaǵa jumysy úshin alǵys aıtyp, «osy kezeńde kinásizdik prezýmptsııasy árqashan eskerilýi kerek» dep atap ótti.
Buǵan deıin Binance-tyń negizin qalaýshy Chanpen Chjaoǵa HAMAS-qa qarjylaı járdemdesti degen aıyp taǵyldy.