Italııada Eýropadaǵy eń úlken janartaý oıandy
RIM. QazAqparat – Eýropadaǵy eń iri janartaý oıandy. Etna janartaýy jeksenbi kúni atqylaı bastady. Bul jóninde QazAqparat agenttigi Euro Weekly News basylymyna silteme jasap habarlaıdy.
Atqylaý barysynda ystyq lava men janartaý kúli shashyrap, jer betiniń ortasha terbelisi baıqaldy. Janartaý belsendiligi juma kúni sezildi. Atqylaý 5 kılometr bıiktikke kúl shashyraý arqyly bastaldy. Jergilikti BAQ málimetinshe, aımaqtyń seısmıkalyq belsendiligi birden artyp ketken.
Qalyń tútindi 30 shaqyrym qashyqtyqtan kórýge bolady. Janartaý Katanııa sıtsılııalyq port qalasyna jaqyn mańda.
Aıta ketsek, janartaý atqylaý jergilikti turǵyndar men olardyń múlkine qaýip tóndirmeıdi. Oǵan qosa, onyń koronavırýs pandemııasy saldarynan qyzmeti shektelgen halyqaralyq Katanııa áýejaıynyń jumysyna keri áseri bolmady.
Eske sala ketsek, Etna Eýropadaǵy eń bıik sónbegen janartaý. 2013 jyldyń maýsym aıynda ıÝNESKO-nyń Álemdik muralar tizimine endi.
