Italııada Eýropadaǵy eń bıik aspaly kópir paıda bolady
ASTANA. QazAqparat - Italııadaǵy Val Tartano alqabynda Eýropadaǵy eń bıik aspaly kópir salynyp jatyr. Morben jáne Sondrıo eldi mekenderin jalǵastyratyn bul qurylys 22 qyrkúıekte ashylady, dep habarlaıdy QazAqparat Coriere della Sera basylymyna silteme jasap.
«Aspandaǵy kópir» ataýyna ıe bolǵan nysan bıiktigi 1034 metrlik eki taý shyńyn jalǵastyrady. Kópirdiń uzyndyǵy -234 metr, ol 140 metr bıiktikte ornalasady. Munyń qurylysyna 750 myń eýro jumsaldy.
Endi erekshe kópir arqyly jergilikti turǵyndar ózge eldi mekenderge jyldam jetpek. Sondaı-aq týrısterdiń jergilikti tabıǵattyń ásem kórinisterin - Kolomber sý bógetin, Alpi shyńdaryn, Adda ózeniniń sarqyramasyn, jaıylymdyqty tamashalaýǵa múmkindik týady.
