Italııada ereýil saldarynan júzdegen áýe reısi toqtatyldy
RIM. QazAqparat – Italııa áýejaıynyń jerdegi qyzmetkerleriniń ereýili júzdegen áýe reısiniń toqtaýyna sebep boldy. 250 myń jolaýshy joldan qaldy, dep habarlaıdy QazAqparat Euronews.com agenttigine silteme jasap.
Senbi kúni Italııada áýejaıdyń jerdegi qyzmetkerleri segiz saǵattyq ereýilge shyǵyp, júzdegen áýe reısi toqtatyldy. Osy saladaǵy jumysshylardyń múddesin qorǵaıtyn kásipodaqtar jalaqy mólsherlemesin retteıtin alty jyl buryn merzimi bitken ujymdyq shartty jańartýdy talap etip otyr. Aktsııa 250 myńnan astam jolaýshyǵa kesirin tıgizdi.
Ereýilder Eýropanyń basqa da bólikterinde ótip jatyr. Gatwick London áýejaıynyń qyzmetkerleri shildeniń sońynda – tamyzdyń basynda eki ereýil ótkizedi, al Belgııada osy demalysta Ryanair áýe kompanııasynyń ushqyshtary pandemııa kezinde tómendegen jalaqy saldarynan ereýilge shyqpaqshy. Sharlerýa áýejaıynda ondaǵan reıs toqtatyldy.
