Italııada eń qart keıýananyń biri 112 jasynda ómirden ótti
ASTANA. Qańtardyń 12-si. QazAqparat - Italııada turatyn eń qart keıýananyń biri Terezııa Shtaffler dúısenbi kúni keshke eldiń soltústigindegi Trentıno-Alto Adıdje oblysyndaǵy Santa-Valpýrga degen taýly mekende 112-ge kelgen jasynda dúnıeden ozdy.
Bul týraly «RIA «Novostı» agenttigi ıtalıandyq buqaralyq aqparat quraldaryna silteme jasap habarlap otyr.
Sonaý 1898 jyly týǵan keıýana HІH, HH jáne HHІ ǵasyrlarda ómir súre aldy. Ol uzaq ómir súrýshilerdiń álemdik tiziminde 45-shi orynda bolǵan. Keıýanany onyń 88 jáne 85 jastaǵy eki qyzy, kóptegen nemereleri men shóbere-shópshekteri jerleıtin bolady.
