Italııada COVID-19 juqtyrý kórsetkishi ósti

RIM. QazAqparat – Italııada mamyr aıynan bastap koronavırýs ınfektsııasyn juqtyrýdyń bári táýlik ishindegi eń úlken ósimi tirkelip, osyǵan baılanysty elde jańa shekteý engizilip jatyr. Bul týraly QazAqparat Euronews agenttigine silteme jasap habarlaıdy.

Bul demalys kúnderi elde Ferragosto merekesi atap ótilýde, jergilikti turǵyndar ony dástúr boıynsha teńizde merekeleıdi. Koronavırýs kórsetkishiniń nasharlaýyna baılanysty Adrııa teńizi jaǵalaýyndaǵy Ezolo kýrort qalasynda polıtsııa áleýmettik qashyqtyq erejesiniń saqtalýyn qadaǵalap júr.

Italııanyń kóptegen qalalarynda ınfektsııanyń taralýyna qarsy kúres boıynsha qosymsha sharalar qoldanyp jatyr. Kalabrııada 7 qyrkúıekke deıin barlyq ǵımarattarda, sonymen qatar ashyq aýada ótkiziletin bı keshterine tyıym salyndy. Antsıoda jaǵajaıǵa túngi ýaqytta barýǵa tyıym salyndy. San-Felıche-Chırkeso men Amalfı kóshelerinde maska taǵyp júrý mindetteldi, al Kaprı aralynda bul burynǵydaı tek keshke emes, kúndiz de talap etiledi.

Shetelge týrıst retinde barǵan ıtalıandar koronavırýs juqtyryp kelgendikten, birqatar bıligi Horvatııa, Grekııa, Ispanııa jáne Maltadan qaıtyp oralǵan barlyq azamattar mindetti túrde COVID-19 ınfektsııasyna test tapsyrady.