Italııada tsırkten qashyp ketken jolbarys qala turǵyndarynyń záresin ushyrdy
ASTANA. QazAqparat - Sıtsılııada Oskar esimdi bengal jolbarysy kóshpeli tsırkten qashyp ketip, dúkenniń aldyna jatyp alǵan. Ony kórgen turǵyndardyń záresi ushyp, qatty qoryqqan. Bul týraly The Daily Mail jazady.
Jyrtqysh qojaıynynan tańerteń erte qashyp ketken. Sodan soń Italııanyń Palermo qalasynyń kóshesin birneshe saǵat kezip júrgen. Keıin ony júrgizýshiler kórip, oqıǵa ornyna polıtsııa shaqyrtqan.
Vıdeoda jyrtqyshtyń beıqam kúıde kósheni kezip júrgeni, adamdarǵa qarap, alańsyz turǵan sáti túsirilgen.
Saqshylar ańdy atpaı-aq torǵa túsirip, ıesine qaıtaryp bergen. Onyń qalaı qashyp ketkeni ázirge belgisiz.
