Italııada bir kúnde 19 myńnan astam adamnan koronavırýs anyqtaldy

RIM. ANSA – QazAqparat – Juma kúni Italııa eliniń densaýlyq saqtaý mınıstrligi koronavırýs ınfektsııasynyń el boıynsha taralýy jalǵasyp otyrǵanyn málim etti: sońǵy 24 saǵatta elde indetti juqtyrýdyń jańadan 19 143 oqıǵasy tirkeldi, dep habarlaıdy QazAqparat ANSA agenttigine silteme jasap.

Salystyrmaly túrde, beısenbi kúni Italııada COVID-19 juqtyrýdyń 16 079 oqıǵasy tirkeldi.

Italııanyń densaýlyq saqtaý mınıstrligi jarııalaǵan sońǵy málimetterge sáıkes, sońǵy táýlikte koronavırýsqa 182 032 analız tapsyryldy. ıAǵnı pandemııa bastalǵaly eń kóp test sany ótkizildi.

Sońǵy 24 saǵatta atalmysh elde qaýipti vırýstan 91 adam, al beısenbide 136 adam qaıtys boldy. El boıynsha indetten kóz jumǵandar 37 059 adamdy qurady.

Aýrýdan aıyqqan naýqastar sany da 2 352-ge artyp, 261 808 adamǵa jetken. Eldegi rastalǵan jaǵdaılardyń jalpy sany – 484 869.

Densaýlyq saqtaý mınıstrligi sondaı-aq COVID-19 vırýsyna shaldyqqan 1 myńnan astam adamnyń jansaqtaý bóliminde jatqanyn málimdedi.

Italııanyń premer-mınıstri Djýzeppe Konte el turǵyndaryn vırýstyń taralýyna jol bermeý, ekinshi qatań karantındi boldyrmaý maqsatynda saqtyq erejelerin saqtaýǵa shaqyrdy. D.Konte Eýropa jáne Italııada koronavırýs juqtyrýdyń jańa oqıǵalarynyń sanynyń artýy «alańdaýshylyq týdyrǵanyn» moıyndap, erekshe qyraǵylyq saqtap, kóktemgi karantınnen sabaq alý qajet ekenin aıtty. Ol Italııa vırýstyń taralýyna jol bermeýi tıistigin erekshe atap ótti. Onyń aıtýynsha, elde keńseler, kásiporyndar jáne mektepterdiń jabylýyna jol bermeý qajet.