Italııada bıatlonnan Álem kýbogy kezeńiniń estafetalyq jarystary bastaldy
ALMATY. 20 qańtar. QazAqparat - Búgin Italııanyń Antholts-Anterselva qalasynda bıatlonnan Álem kýbogynyń 6-shy kezeńindegi áıelder arasyndaǵy estafetalyq jarys ótedi.
Onda Qazaqstan quramasy 21 komandanyń arasynda 12-shi nomermen baq synaıdy. Buǵan deıin sprınttik jarysta 102 sportshynyń arasynan Dárııa Ýsanova 33-shi, Elena Hrýstaleva 43-shi, Alına Raıkova 64-oryn aldy. Al iz kesýde Darıa 52-shi oryn alsa, Elena jarysty sońyna deıin aıaqtaı almaǵan edi.
Sondaı-aq erler arasyndaǵy sprınttik jarysta ıAn Savıtskıı 16-shy, Dıas Keneshov 83-shi orynnan kórindi. Al keshe iz kesýde ıAn 33-shi oryndy qanaǵat tutty. Erteń endi estafetalyq synda 24 komandanyń arasynda erler quramasy 16-shy nómirmen baq synaıtyn bolady.
