Italııada basty almastyrý otasy jasaldy
ASTANA. QazAqparat - Italııalyq neırohırýrg Serdjo Kanavero (Sergio Canavero) basty almastyrý boıynsha synaq túrindegi ota jasalǵan janýarlardyń (tyshqan men ıt) vıdeosyn jarııalady.
Bul týraly Gizmodo saıty habarlady.
Dáriger basty tolyq kesip tastamaı, omyrtqany ǵana tilgen. Kanaveronyń sózine qaraǵanda, ol óz jumysynda polıetılenglıkoldy paıdalandy. Bul zat julynnyń zaqymdalǵan bólikterine engizilip, myńdaǵan neıronnyń arasyndaǵy baılanysty qalpyna keltirýge septigin tıgizdi.
Táýelsiz mamandar atap ótkendeı, janýarlardyń omyrtqasy tıisti dárejede zaqymdalǵanyn dáleldeıtin málimetterdiń jáne baqylaýshy toptardyń bolmaýy tájirıbeniń qundylyǵyn tómendetip otyr.
Kanavero tájirıbesi neırodegeneratıvti dertke shaldyqqan reseılik azamattyń basyn almastyrýǵa daıyndyq aıasynda jasaldy. Alaıda, otany jasaý múmkindigin rastaıtyn eshbir senimdi dálel joq.
Tájirıbeniń vıdeosyn myna jerden kórýge bolady.
