Italııada «aspazdyq Dısneılend» salynady
ASTANA. QazAqparat - Bolonıada (Italııa) 80 myń sharshy metrge jaıylǵan Fico Eataly World oıyn-saýyq saıabaq salynady. Ol azpazdyq Dısneılend ispettes bolmaq.
Onyń negizin qalaýshylar jylyna 10 mln. adamdy tartýǵa nıettenip otyr. Eataly-diń bas dırektory Oskar Farınettı jańa saıabaqty týrıster men tamaq talǵaıtyn adamdar úshin eń tańdaýly oryndardyń biri retinde jasamaq. Onyń paıymynsha, osy arqyly Italııanyń ekonomıkasyn yntalandyrýǵa múmkindik jasalady.
Osy aýqymdy ortalyqa meıramhanalar, azyq-túlik dúkenderi, taǵam zerthanalary jaıǵaspaq. Fico Eataly World qurylysynyń quny 60 mln. dollarǵa baǵalanyp otyr. Italııandyq ashanaǵa negizdelgen ortalyqtyń ashylýy 2015 jyldyń aıaǵyna qaraı josparlanýda, dep jazady Rosbalt.
