Italııada aspaly joldyń arqany úzilip ketip, 12 adam qaza tapty
RIM. QazAqparat - Italııanyń soltústiginde (Pemont aımaǵy) aspaly joldyń arqany úzilip ketip, vagonsha jerge qulaǵan. Saldarynan 12 adam qaza tapty, eki bala aýyr jaraqat alǵan. Bul týraly búgin, jeksenbide ANSA agenttigi oqıǵa ornynda jumys istep jatqan qutqarýshylarǵa silteme jasap habarlady.
Munyń a ldynda tórt, sodan keıin segiz adamnyń kóz jumǵany habarlanǵan bolatyn.
Al Il Messaggero gazetiniń jazýynsha, kem degende 11 adamnan turatyn bir kabına arqannyń úzilýi saldarynan qulaǵan.
Aýyr haldegi balalar Týrındegi aýrýhanaǵa jetkizildi. Oqys oqıǵa tańerteń Majore kólin 1,5 myń metr bıiktikpen jalǵaıtyn marshrýtta boldy, qazirgi ýaqytta keleńsiz jaǵdaıdyń sebep-saldary anyqtalýda.
«Pandemııaǵa baılanysty qysqy maýsymda jabyq bolǵan taýly kýrorttaǵy bul kótergishter osy jeksenbide ǵana iske qosylǵan edi», - dep jazady basylym.
