Italııada aptap ystyqtan qaýiptiliktiń eń joǵary deńgeıi engizildi
ASTANA. QazAqparat - Italııanyń Boltsano qalasynda aptap ystyq pen qurǵaqshylyq saldarynan qaýiptiliktiń úshinshi (maksımaldy) deńgeıi, taǵy 13 oblysta ekinshi deńgeıi jarııalandy. Bul týraly senbi kúni eldiń densaýlyq saqtaý mınıstrliginiń saıtynda málim etildi, dep habarlaıdy Lenta.rý.
«Jylý tolqyny. Joǵary qaýiptilik úsh nemese odan da kóp kún qatarynan saqtalady», - dep túsindirdi Boltsano jóninde densaýlyq saqtaý mınıstrligi.
Demalys kúnderi sondaı-aq Bolonıa, Breshııa, Perýdja, Mılan, Verona, Venetsııa, Latına, Týrın, Ankona, Kapmobasso, Florentsııa, Frozınone jáne Peskarada temperatýra joǵarylaıtyny kútilýde.
ilmeteo.it meteoportalynyń deregi boıynsha, termometr baǵany 40 gradýstan asatyn bolady. Aptap ystyq eń aldymen, qart adamdardy, balalar men sozylmaly aýrýǵa shaldyqqandarǵa keri áser etpek. Mamandar ıtalııalyqtarǵa sýdy únemdeýdi eskertýde, al bılik qatty ystyq jaǵdaıynda qalaı áreket etý kerektigi týraly bıýlletender taratýda.
